इन्टर कलेल किक्रेट प्रतियोगिता : पहिलो खेलमा मिट विजयी
टुडेपाटी–
जनकपुरधाम, फागुन १७ गते ।
जनकपुरधाममा सुरु भएको इन्टर कलेज क्रिकेट प्रतियोगिताको उद्घाटन खेलमा मिथिला इन्स्टिच्युट अफ टेक्नोलोजी (मिट)ले जितेको छ ।
बुधबार भएको खेलमा मिटले तीन विकेटले धनुषा साइन्स कलेजलाई हराउँदै मिट विजयी भएको हो ।
Sponsored
टस हारेर ब्याटिङ्ग गरेको धनुषा साइन्सले निर्धारित २० ओभरमा सबै विकेट गुमाएर एक सय चार रन बनाएका थिए । धनुषा साइन्सको लागि उदय यादवले २९ रन र अमरुल्लाह साहले १६ रन बनाएका थिए ।
बलिङ्गमा मिटका राजा साहले तीन, तेजस मण्डल र शशिकान्त ठाकुरले २÷२ विकेट लिए ।
जवाफी ब्याटिङमा आएका मिटका खेलाडीहरु सात विकेट गुमाएर जित हात पारेको छ ।
Sponsored
मिटका लागि धिरज यादवले सर्वाधिक १९, शशिकान्त १५ र रोहित यादवले १४ रन बनाए ।
बलिङ्गमा धनुषा साइन्सका कृष्णा यादव र अमरुल्लाह साहले तीन÷तीन विकेट लिए ।
बलिङ्गमा २ विकेट र ब्याटिङ्गमा १५ रन बनाएका शशिकान्त म्यान अफ दी म्याच घोषित भएका थिए ।
बुधबारदेखि बाह्रविघा मैदानमा सुरु भएको खेलमा १६ वटा कलेजको टिमले सहभागिता जनाएका छन् ।
