विजेता नेपाली क्रिकेट टिमलाई सरकारले जनही २ लाख रुपैयाँ दिने

टुडेपाटी–
काठमाडौँ, फागुन ११ गते ।

आईसिसी विश्वकप क्रिकेट लिग–२ अन्तर्गत त्रिकोणात्मक सिरिज विजेता नेपाली क्रिकेट टोलीका सदस्यहरुलाई सरकारले जनही दुई लाख रुपैयाँसहित सम्मान गर्ने भएको छ।

बिहीबार प्रधानमन्त्री निवास बालुवाटारमा नेपाली राष्ट्रिय क्रिकेट टोलीका सदस्यहरुसँग प्रधानमन्त्री पुष्पकमल दाहालले यस्तो बताएका हुन्।

हालै सम्पन्न नामिबिया र स्कटल्याण्डसँगको त्रिकोणात्मक सिरिज जितेका सम्पूर्ण नेपाली क्रिकेट खेलाडीहरुलाई प्रोत्साहनस्वरुप उनले जनही २ लाख रुपैयाँ दिने घोषणा गरे।

त्रिवि क्रिकेट मैदान कीर्तिपुरमा सम्पन्न त्रिकोणात्मक सिरिजमा नेपालले चारै खेल जितेर सिरिज क्लिन स्वीप गरेको थियो।

नेपालले लिग–२ को त्रिकोणात्मक श्रृंखलामा नेपाल पहिलो पटक क्लिन स्वीप गरेको थियो।