जनकपुरधाममा फागुन १६ देखि कलेज स्तरीय क्रिकेट प्रतियोगिता हुने

टुडेपाटी–
जनकपुरधाम, फागुन १० गते ।

जनकपुरधाममा फागुन १६ गतेदेखि कलेज स्तरीय क्रिकेट प्रतियोगिता हुन लागेको छ ।

जनकपुर एकेडमीको आयोजनामा रंगभूमी मैदान (बाह्रविघा)मा अन्तर कलेज स्त्तरीय क्रिकेट प्रतियोगिता हुन लागेको हो ।

बुधबार पत्रकार सम्मेलनको आयोजना गर्दै प्रतियोगिताको संयोजक प्रसान्त कर्णले खेल र खेलाडीको विकास तथा नयाँ खेलाडी उत्पादन गर्ने उद्देश्यले प्रतियोगिता गर्न लागेको जानकारी दिए ।

प्रतियोगितामा करिव १६ वटा कलेजको टिम सहभागि हुने अपेक्षा गरिएको राष्ट्रिय टिमका खेलाडी तथा हरिशंकर साहले बताए ।

प्रतियोगिता डिउज बलले नकट आउट प्रणालीमा हुने छन् । प्रतियोगितामा प्रतिभावान देखिएको खेलाडी छनौट गरी नियमित क्रिकेट अभ्यास गराउने आयोजक संस्थाको तयारी छ ।