ओडिआईमा कुशल भुर्तेलको पहिलो सतक

टुडेपाटी–
काठमाडौं, फागुन २ गते ।

नेपाली ओपनर कुशल भुर्तेलले ओडिआई करियरको पहिलो सतक प्रहार गरेका छन्।

मंगलबार आइसिसी विश्वकप लिग–२ त्रिकोणात्मक ओडिआई सिरिज अन्तर्गत त्रिवि क्रिकेट मैदान कीर्तिपुरमा नामिबियाविरुद्ध भुर्तेलले सतक प्रहार गरेका हुन्।

९९ बलमा ९ चौका र ४ छक्कासहित उनले सतक पुरा गरेका हुन्।

उनको यो एकदिवसीय अन्तर्राष्ट्रियको पहिलो सतक हो।

सन् २०२१ मा पिएनजीसँग ओमानमा डेब्यु गरेका भुर्तेलले यसअघि ३ अर्धसतक पूरा गरेका छन्।