मैत्रीपूर्ण क्रिकेट खेलमा पत्रकार महासंघ धनुषा विजयी

टुडेपाटी–
जनकपुरधाम, माघ २३ गते ।

जनकपुरधाम स्थित बाह्रबिघा मैदानमा भएको मैत्रीपूर्ण क्रिकेट खेलमा नेपाल पत्रकार महासंघ धनुषा विजयी भएको छ ।

सोमबार रंङ्गभूमि मैदानमा महासंघ धनुषाको विक्रेट टिम तथा नीजि तथा अवासीय विद्यालयका सञ्चालक एवं शिक्षकहरुको मैत्रीपूर्ण क्रिक्रेट प्रतियोगितामा महासंघ ४९ रनले विजयी भएको छ ।

टस जितेर व्याटिङ्ग गरेको महासंघको क्रिकेट टिमले १४ ओभरको खेलमा सवै विकेट गुमाएर १ सय १९ रन बनाएको थियो ।

पहिले ब्याटिङ्ग गरेको महासंघका तर्फवाट कमलेश ठाकुले सर्वाधिक २९ रन बनाए । यसैगरि संजिव कुमार झाले १७ रन, विजय झाले १२ रन तथा अबधेश कामतले ७ रन बनाएका थिए ।

संजिव ठाकुरले २ विकेट, विमलले २ विकेट, कुशेश्वरले २ विकेट, ऐरे ईन्टरनेशनका प्रधानाध्यापक आशिष झाले १ विकेट, मोनाष्टिक अवासीय विद्यालयका प्रधानाध्यापक डा. सोनु साहले १ विकेट तथा नीजि तथा अवासीय विद्यालय एशोसिएशनका केन्द्रीय उपाध्यक्ष एवं सर्वोदय विद्यालयका प्रधानाध्यापक ब्रजेन्द्र मिश्रले १ विकेट लिए ।

जवाफमा ब्याटिङ्ग गर्न आएको शिक्षक एवं प्रधानाध्यापकहरुले १३.४ ओभरमा अल आउट हुदै ७० रन बनाए ।

यसै गरि नीजि तथा अवासीया विद्यालयका शिक्षक तथा प्रधानाध्यापक मध्ये संदिप ठाकुरले ३१ रन बनाएपनि अन्य बल्लेवाजले दोहोरो अंकको रन बनाउन सकेनन् । सवै खेलाडीहरु १३.४ ओभरमा अल आउट भएका थिए ।

वलिङ्गमा महासंघका बलर मध्ये टिमका कप्तान दिपक कर्णले ४ विकेट, अजय कुमार झाले ३ विकेट, विकास ठाकुरले २ र सन्दिप साहले १ विकेट लिए ।

आजको खेलमा सर्वाधिक ४ विकेट लिएका कर्ण म्यान अफ द म्याच भए ।