महोत्तरीमा मोटरसाइकल दुर्घटनामा एक युवकको ज्यान गयो

टुडेपाटी समाचारदाता-
गौशाला, माघ २३ गते ।
महोत्तरीको गौशाला–सम्सी सडकखण्ड अन्र्तगत औरही नगरपालिका–४ स्थित कठुधार नजिक भएको सवारी दुर्घटनामा परि एक जनाको मृत्यु भएको छ । गएराति कठुधार चेकपोस्ट नजिकै भएको मोटरसाईकल दुर्घटनामा परि स्थानिय २२ बर्षिय उमेश यादवको मृत्यु भएको हो ।

सवारी दुर्घटनामा परि गम्भीर घाईते भएका उमेशको उपचारका लागि जनकपुरतर्फ लैजादै गर्दा बाटोमा नै मृत्यु भएको ईलाका प्रहरी कार्यालय गौशालाले जनाएको छ ।

प्रहरीले दिएको अनुसार यादवले चलाउदै आएको वी आर ३० ई ७६९९ नम्बरको मोटरसाईकल वाटोको छेउमा रोकिराखेको ज १ त ९१९९ नम्बरको उखु लोड गरिएको टयाक्टरसँग ठोक्किदा सो दुर्घटना भएको हो ।

Sponsored

टयाक्टर अहिले प्रहरीको नियन्त्रणमा रहेको छ भने शव पोष्टमार्डमको लागि प्रादेशिक अस्पताल जनकपुरमा राखिएको छ ।