जनकपुरधाममा विद्यालय स्त्तरीय अण्डर-१६ क्रिकेट प्रतियोगिता सुरु

टुडेपाटी–
जनकपुरधाम, माघ १७ गते ।

जनकपुरधाममा विद्यालय स्तरीय अण्डर १६ क्रिकेट प्रतियोगिता सुरु भएको छ ।

मंगलबारदेखि रंङभुमी मैदान बाह्रविघामा हरिज स्पोर्टस् जोनको आयोजनामा प्रतियोगिता सुरु भएको हो ।

उद्घाटन खेल जनकपुरधामको मोनाष्टिक स्केण्ड्री इगलिश बोर्डडिङ स्कुल र सिदार्थ शिशु सदन माविबीच भइरहेको छ ।

खेलको उद्घाट जनकपुरधाम उपमहानगरपालिकाका उपप्रमुख किसोरी साह र वडा नम्बर ९ का वडाध्यक्ष परेमेश्वर साह संयुक्त रुपमा गरेका थिए ।

उपप्रमुख साहले खेलको उद्घाटन सत्रलाई सम्बोधन खेलमा लगानी गर्ने प्रतिबद्धता जनाए । खेल विकासको लागि आवश्यक खाका लिएर आउन उनले क्रिकट संघलाई सुझाब पनि दिए ।

धनुषा क्रिकेट संघका अध्यक्ष गुड्डु पाण्डेले मैदान अभावमा अपेक्षा अनुसार खेलाडी उत्पादन र क्षमता विकास गर्न नसकिएको बताए । उनले वर्षौदेखि खेलको समस्या जहाँको त्यँही रहेको भन्दै अहिले सम्म सरकारले एउटा भएको मैदानलाई व्यवस्थित बनाउन समेत नसकेको गुणासो गरे ।

क्रिकेट र जनकपुरधाममा नयाँ खेलाडी उत्पादन गर्ने उद्देश्यले आयोजना गरिएको प्रतियोपतामा १२ वटा विद्यालयको टिम सहभागिता जनाएका छन् ।

तीन समुहमा विभाजन गरी लिग प्रणालीमा क्रिकेट प्रतियोगिता भइरहेको छ ।