मधेश प्रदेश : बिनाविभागिय मन्त्रीले पाए विभाग, जनमतलाई कृषि मन्त्रालय

टुडेपाटी–
जनकपुरधाम, माघ १२ गते ।

मधेश प्रदेशका बिना विभागिय मन्त्रीहरुको विभाग तोकिएको छ ।

मुख्यमन्त्री सरोजकुमार यादवको सिफारिसमा प्रदेश प्रमुख हरिशंकर मिश्रले तीनैजना बिना विभागिय मन्त्रीको विभाग तोकेका छन् ।

जसअनुसार, नेकपा एमालेका संसदीय दलका नेता सरोजकुमार यादवलाई भौतिक पूर्वाधार विकास मन्त्रालय, जनता समाजवादी पार्टीका संजय कुमार यादवलाई अर्थमन्त्रालयको जिम्मा दिइएको छ ।

यस्तै, जनमत पार्टीका बसन्त कुमार कुशवाहालाई भूमि व्यवस्था, कृषि तथा सहकारी मन्त्रालयको जिम्मा दिइएको छ ।

बिहिबार प्रदेश प्रमुख हरिशंकर मिश्रले मुख्यमन्त्री यादवको सिफारिसमा नेपालको सवंविधानको धारा १६८ को उपधारा ९ बमोजिम मन्त्रिपरिषद्मा बिना विभागिय मन्त्रीको जिम्मेवारी तोकेका छन् ।

बाँकी मन्त्रालय मुख्यमन्त्री यादवले अहिले आफैसँग राखेका छन् ।