फागुन ५ देखि ‘जनकपुरधाम ट्रेड एक्सपो २०२३’ को आयोजना हुँदै

टुडेपाटी–
जनकपुरधाम, माघ ८ गते ।

जनकपुरधाममा आगामी फागुन ५ गतेदेखि ‘जनकपुरधाम ट्रेड एक्सपो २०२३’ को आयोजना हुने भएको छ ।

व्यापार व्यवसायको सम्बद्र्धन प्रबद्र्धन एवं सम्भाव्यता सिर्जना गर्ने उदेश्यले फागुन ५ देखि १४ गतेसम्म जनकपुरधामको तिरहुतिया गाछीमा ‘जनकपुरधाम ट्रेड एक्सपो २०२३’ को अयाोजना हुन लागेको जनकपुरधाम उद्योग वाणिज्य संघका अध्यक्ष जितेन्द्र महासेठले जानकारी दिए ।

मेलामा स्वदेशी तथा स्थानिय उत्पादनलाई प्रवर्द्धन गर्ने प्रमुख उद्देश्यका साथ आयोजना हुन लागेको एक्सपोमा सार्क राष्ट्रहरू भारत, पाकिस्तान र बंगलादेशका विभिन्न क्षेत्रका व्यापारीहरूको पनि सहभागिता रहने अध्यक्ष महासेठले जानकारी दिए ।

यस एक्सपोमा १५० भन्दा बढी स्टलहरू रहने आयोजकले जनाएका छन् । उक्त मेलामा १ लाख भन्दा बढी अवलोकनकर्ताको आगमन हुने अपेक्षा गरिएको जनकपुरधाम उद्योग वाणिज्य संघका महासचिव मनोज कुमार साहले बताए ।