प्रतिनिधिसभाको सभामुखमा घिमिरे निर्वाचित

टुडेपाटी–
काठमाडौं, माघ ५ गते ।

प्रतिनिधिसभाको सभामुखमा नेकपा एमालेका सांसद देवराज घिमिरे निर्वाचित भएका छन् ।

बिहीबार बसेको प्रतिनिधिसभा बैठकमा मत विभाजनमार्फत भएको मतदान प्रक्रियामा घिमिरेलाई निर्वाचित गरियोस् भन्ने प्रस्तावको पक्षमा बहुमत पुगेकाले सभामुख पदमा निर्वाचित भएको प्रतिनिधिसभाका जेष्ठ सदस्य पशुपतिशमशेर राणाले घोषणा गरे ।

सत्ता गठबन्धनका तर्फबाट उम्मेदवार बनेका घिमिरेको पक्षमा १६७ मत परेको छ ।

यस्तै, विपक्षमा सय मत परेको छ भने मत दिन्न पक्षमा १ मत परेको छ ।

२६८ जना सांसद मतदानमा सहभागी भएका थिए ।

घिमिरेलाई एमाले, माओवादी केन्द्र रास्वपा, राप्रपा, जसपा,नागरिक उन्मुक्ति र केही स्वतन्त्र सांसदले मतदान गरेका थिए ।