यो कार्यकालमा काम धेरै, भाषण कम गर्ने पक्षमा छु : प्रधानमन्त्री प्रचण्ड

टुडेपाटी–
काठमाडौं, पुस १६ गते ।

प्रधानमन्त्री पुष्पकमल दाहाल प्रचण्डले यो कार्यकालमा आफूले काम धेरै र भाषण कम गर्ने बताएका छन् ।

चितवनको नारायणी नमुना माध्यमिक विद्यालयको हिरक महोत्सवको उद्घाटन गर्दै प्रधानमन्त्री प्रचण्डले यसपटक भाषण कम गर्ने बताएका हुन् ।

उनले भने, ‘मैले बाँकी जीवन सुशासन र विकासकालागि समर्पित गर्ने भनेको छु । म अहिले धेरै भाषण गर्ने मनस्थितिमा छैन यो कार्यकाल । म भाषण कम काम धेरै र जनताको सेवा धेरै गरेर प्रस्तुत हुने प्रतिज्ञा गरेको छु ।’

उनले हरेक दिन सुशासन र विकासको पक्षमा केही न केही काम गर्दै जाने प्रतिवद्धता गरेको पनि बताए ।

करिब साढे ८ मिनेटको सम्बोधनमा उनले सुशासन र समृद्धिको नयाँ युगको सूत्रपात गर्नसबै क्षेत्रबाट सहयोगको अपिल पनि गरेका छन् ।