पाँच महिनामा बिकास बजेट नौ प्रतिशत मात्रै खर्च

टुडेपाटी–
काठमाडौं, पुस १ गते ।

चालू आर्थिक वर्षको पहिलो पाँच महिनामा सरकारले ९ प्रतिशत विकास बजेट मात्र खर्च गर्न सकेको छ ।

यस्तै, कुल बजेट खर्च २४ दशमलव २६ प्रतिशत बराबर देखिएको हो ।

चालू आवका लागि सरकारले कूल रु १७ खर्ब ९३ अर्ब ८३ करोड ७३ लाख बराबरको बजेट ल्याएकोमा मंसिर मसान्तसम्ममा रु चार खर्ब ३५ अर्ब २१ करोड ११ लाख बराबर खर्च भएको महालेखा नियन्त्रक कार्यालयले जनाएको छ ।

यस अवधिमा पुँजीगत खर्च करिब नौ प्रतिशत बराबर मात्रै देखिएको छ । महालेखा नियन्त्रक कार्यालयका अनुसार मंसिर मसान्तसम्ममा संघ सरकारको पुँजीगत खर्च रु ३३ अर्ब ९९ करोड १६ लाख बराबर छ ।