धनुषा ४ मा पुनः मतगणनाको माग गर्दै सर्वोच्चमा रिट दर्ता

टुडेपाटी–
जनकपुरधाम, मंसिर २८ गते ।

धनुषा ४ मा पुनः मतगणनाको माग गर्दै नेपाली कांग्रेसका उम्मेदवार महेन्द्र यादवले सर्वोच्च अदालतमा रिट दिएका छन् ।

यस क्षेत्रबाट नेकपा एमालेका उम्मेदवार रघुवीर महासेठ निर्वाचित हुँदा महेन्द्र १ सय २४ मतले पराजित भएका थिए ।

निर्वाचन आयोगले सार्वजनिक गरेको मत परिणाममा असहमति जनाउँदै महेन्द्रले बुधबार सर्वोच्च अदालतमा रिट दिएका हुन् ।

यादवले निर्वाचन आयोग, मुख्य निर्वाचन अधिकृतको कार्यालय धनुषा , जिल्ला निर्वाचन कार्यालय धनुषा, प्रमुख जिल्ला अधिकारी र एमाले उम्मेदवार महासेठलाई विपक्षी बनाएर रिट दर्ता गराएका हुन् ।

यो रिट सर्वोच्च अदालतको संवैधानिक इजलासमा दर्ता भएको हो ।