धनुषामा जन्ती बोकेको जीप दुर्घटना, तीन महिलासहित ५ जनाको मृत्यु, ९ घाइते

टुडेपाटी-
जनकपुरधाम, मंसिर १७ गते ।

धनुषामा विंगर दुर्घटना हुँदा ५ जनाको मृत्यु भएको छ । मृत्यु हुनेमा तीन महिला, एक बालक र एक पुरुष छन् । नौ  जना घाइते भएका छन् ।

महोत्तरीको पिपरा गाउँपालिका गमहरियाबाट इटहरी जन्ती गएर फर्किँदै गरेको विंगर आज बिहान साढे ४ बजे धनुषाको बिरेन्द्र बजारमा दुर्घटनामा परेको हो । जन्ती बोकेर फर्किँदै गरेको ना १ ज ८३९६ नम्बरको विङ्गर र पश्चिमबाट पूर्व जाँदै गरेको ज १ च १४९६ नम्बरको पिकप एक आपसमा ठोक्किएर दुर्घटना भएको हो ।

Sponsored

मृतक बालक ११ वर्षीय बालक एस कुमार पिपराका र ३५ वर्षीय रुवीकुमारी साह धनुषाको मुखियापट्टी मुसहरनिया तुल्सीयाहीका छन्। अन्यको परिचय खुलेको छैन । घटना सम्बन्धि विस्तृत विवरण आउन बाँकी छ ।