पर्सा ४ (क) मा काँग्रेसका चौधरी फेरि निर्वाचित

टुडेपाटी-
वीरगञ्ज, मंसिर ६ गते ।

पर्साको क्षेत्र नम्बर ४ (क) प्रदेशसभा क्षेत्रबाट नेपाली कांग्रेसका शंकरप्रसाद चौधरी निर्वाचित भएका छन् । सत्ता गठबन्धनका साझा उम्मेदवार रहेका चौधरी नेकपा एमालेका जयप्रकाश थारुलाई पराजित गर्दै दोस्रो पटक निर्वाचित भएका हुन् ।

चौधरीले १२ हजार १ सय ५४ मत ल्याएर निर्वाचित हुँदा एमालेका जयप्रकाश थारुले १० हजार ४ सय ३८ मतमा सिमित भए ।

Sponsored

योसँगै पर्सामा कांग्रेसले प्रदेशसभातर्फत दुई क्षेत्रमा जित निकालिसकेको छ । यसअघि पर्साको क्षेत्र नम्बर २ (क) मा कांग्रेसकै श्याम पटेल निर्वाचित भएका थिए ।