धनुषामा अढाई बजेसम्ममा ४२ प्रतिशतले खसाए मत

टुडेपाटी–
जनकपुरधाम, मंसिर ४ गते ।

धनुषामा हालसम्ममा४२ प्रतिशत मत खसेको छ ।

धनुषाको चार निर्वाचन क्षेत्रको ३२३ मतदानस्थलका ६०६ मतदान केन्द्रबाट बिहान ७ बजेदेखि मतदान सुरु हुँदा अढाई बजेसम्ममा ४२ प्रतिशत मत खसेको मुख्य निर्वाचन अधिकृत ब्रजेश प्याकुरेलले जानकारी दिए ।

अहिलेसम्म शान्तिरुपमै मतदान भइरहेको र मतपेटिका ढुवानीका लागि आवश्यकताअनुसारका सवारीसाधन तैनाथ राखिएको मुख्य निर्वाचन अधिकृत प्याकुरेलले बताए ।

जिल्लामा २ लाख ५२ हजार ९१५ पुरुष, २ लाख २१ हजार ६६५ महिला र अन्य ७ गरी कूल ४ लाख ७४ हजार ५८७ मतदाता रहेका छन् ।