धनुषामा प्रत्यक्षमा ४ प्रतिनिधिसभा र ८ प्रदेशसभा सदस्यका लागि मतदान गरिँदै

टुडेपाटी–
काठमाडौँ, मंसिर ४ गते ।

आज देशभरिका १६५ प्रतिनिधिसभा निर्वाचन क्षेत्र र ३३० प्रदेश सभा निर्वाचन क्षेत्रमा मतदान हुँदै छ ।

देशका कुल १ करोड ७९ लाख मतदाताले संघीय र प्रादेशिक तहको नेतृत्व छान्दै छन् । प्रतिनिधिसभामा ११० समानुपातिक सांसद र प्रदेशसभामा २२० समानुपातिक सांसदको छनौट पनि यस निर्वाचनले गर्नेछ ।

निर्वाचनमा कुल २७५ प्रतिनिधिसभा सांसद र ५५० प्रदेशसभा सांसदका लागि मतदान हुनेछ । धनुषामा ४ प्रतिनिधिसभा र ८ प्रदेशसभाका सांसद छानिनेछ् ।

यसका लागि मतदाताले प्रतिनिधिसभा प्रत्यक्ष, प्रतिनिधिसभा समानुपातिक, प्रदेशसभा प्रत्यक्ष, प्रदेशसभा समानुपातिक गरी चारवटा मतपत्रमा मत खसाल्नुपर्नेछ ।