मंसिर २ देखि ५ गतेसम्म देशभर सार्वजनिक बिदा

टुडेपाटी–
काठमाडौँ, कार्तिक २९ गते ।

मंसिर ४ मा हुने प्रतिनिधि तथा प्रदेशसभा निर्वाचनलाई लक्षित गरेर सरकारले चार दिन बिदा दिने निर्णय गरेको छ ।

सरकारले आगामी मंसिर ४ गतेका लागि तय भएको दुवै तहको निर्वाचनका लागि मंसिर २ गतेदेखि ५ गते बिदा दिने गृह मन्त्रालयले निर्णय गरेको हो ।

गृहमन्त्रालयका प्रवक्ता सहसचिव फणिन्द्रमणि पोखरेलले विज्ञप्ति जारी गर्दै शिक्षण संस्था विद्यालयमा मंसिर २ देखि ५ गतेसम्म र सरकारी कार्यालय तथा सार्वजनिक निकायमा मंसिर ४ र ५ गते सार्वजनिक बिदा दिने निर्णय भएको जानकारी दिएका हुन् ।

सरकारले चुनावका समयमा सार्वजनिक बिदा दिन निर्वाचन आयोगले सिफारिस गरेको थियो ।