टी–२० विश्वकपमा भारतको लजास्पद हार, इङ्गल्याण्ड पुग्यो फाइनलमा
एजेन्सी–
काठमाडौँ, कार्तिक २४ गते ।
टी–२० विश्वकप २०२२ को दोस्रो सेमीफाइनलमा भारतमाथि सानदार जित निकाल्दै इङ्ल्याण्ड फाइनलमा पुगेको छ।
भारतले निर्धारित २० ओभरमा दिएको १६९ रनको लक्ष्य इङ्ल्याण्डले बिना कुनै विकेट क्षति १६ ओभरमा पुरा गर्यो।
Sponsored
इङ्ल्याण्डको सहज जितमा ओपनर एलेक्स हेल्ले र जस बटलरले बिस्फोटक ब्याटिङ गरे।
एलेक्सले ४७ बलमा ८६ रन बनाउँदा बटलरले ४९ बलमा ८० रन बनाए।
त्यसअघि एडिलेड ओभलमा टस हारेर ब्याटिङ गरेको भारतले ६ विकेट गुमाउँदै १ सय ६८ रन बनाएको थियो।
Sponsored
भारतका लागि हार्दिक पान्ड्याले सर्वाधिक ६३ रन बनाए।
यस्तै विराट कोहलीले ४० बलमा ५० रन बनाए ।
अब फाइनल खेलमा इङ्गल्याण्ड पाकिस्तानसँग प्रतिस्पर्धा गर्नेछ ।
