प्रचार सामग्री हटाउँदै सप्तरी प्रहरी

टुडेपाटी–
सप्तरी, कार्तिक २३ गते ।

निर्वाचन आचारसंहिता विपरीतका प्रचार सामग्री सप्तरी प्रहरीले हटाएको छ । तुल, ब्यानरसहितका सामग्री प्रचार प्रहरीले हटाएको छ ।

सप्तरी क्षेत्र नम्बर २ राजविराजमा आचारसंहिता विपरीत नगर क्षेत्र नै कुरुप हुनेगरी लगाइएको तुल, ब्यानर, पम्पलेटसहितका सामग्री हटाउन सुरु गरिएको जिल्ला प्रहरी कार्यालय सप्तरीका प्रमुख एसपी अविनारायण काफ्लेले जानकारी दिए ।

प्रमुख जिल्ला अधिकारी भुपेन्द्र थापाले तीन दिनभित्र यस्ता सामग्री हटाउने राजनीतिक दलका नेताले प्रतिबद्धता जनाए पनि नहटाउँदा प्रहरी लगाएर हटाउन लागिएको बताए ।

सप्तरी २ बाट जसपाका अध्यक्ष उपेन्द्र यादव, जनमत पार्टीका अध्यक्ष डा. सीके राउत, लोकतान्त्रिक वाम गठबन्धनबाट लोसपाका जयप्रकाश ठाकुरलगायतका उम्मेदवार चुनावी मैदानमा छन् ।