चुनावी सभामा उम्मेदवारमाथि हातपात

टुडेपाटी–
काठमाडौँ, कार्तिक २२ गते ।

चुनाव प्रचार प्रसारको मकवानपुरमा उम्मेदवारमाथि हातपात भएको छ ।

मंगलबार चुनाव प्रचारप्रसारको क्रममा एकीकृत समाजवादी पार्टीका उम्मेदवार विरोध खतिवडामाथि हातपात भएको छ।

मकावनपुर २ बाट प्रतिनिधिसभाका उम्मेदवार रहेका खतिवडामाथि मनोहरी गाउँपालिका ३ स्थित मसिने गोलघर भन्ने ठाउँमा हातपात भएको हो।

स्थानीय ५० वर्षे पुरुषोत्तम खड्काले उम्मेदवारमाथि पछाडिबाट आक्रण गरेको प्रत्यक्षदर्शीले जानकारी दिए।

मकावनपुर प्रहरीका प्रवक्ता डिएसपी टेकबहादुर कार्कीले पनि घटनाको पुष्टि गर्दै खड्कालाई नियन्त्रणमा लिएको जानकारी दिए।

घटनापछि गठबन्धनले अहिले गोलघरमा चुनावीसभा गरिरहेको छ।