एकैदिन ७ वटा सभा सम्बोधन गर्दै डा.सीके राउत

टुडेपाटी-
जनकपुरधाम, कार्तिक २० गते ।

जनमत पार्टीका अध्यक्ष डा.सीके राउतले सोमबार दिनभरीमा ७ वटा चुनावी सभालाई सम्बोधन गर्ने भएका छन् । धनुषा जिल्लाको चारवटै निर्वाचन क्षेत्रमा ६ वटा चुनावी सभा र महोत्तरीमा एउटा गरी सातवटा चुनावी सभालाई सम्बोधन गर्ने पार्टीले जनाएको छ ।

जनमत पार्टीका नेता बीपी साहका अनुसार डा.राउतले सोमबार विहान ७ बजे महोत्तरी ४ (क) को श्रीपुरमामा सम्बोधन गर्नेछन् । उनका अनुसार धनुषा निर्वाचन क्षेत्र नं. ३ को बहुर्वामा विहान ८ः३० बजे र बेरिया बजार मुखियापटी मुसरनियामा १० बजे डा.राउतले सम्बोधन गर्नेछन् ।
यसैगरी, धनुषा निर्वाचन क्षेत्र नं. १ को सबैला बजार (अस्पताल छेउ) मा दिउँसो १२ः३० बजे र हंसपुर नगरपालिको सुगानिकास बजारमा २ बजे डा.राउतले विशाल जनसभालाई सम्बोधन गर्ने नेता साहले बताए ।

Sponsored

यसैगरी, धनुषा निर्वाचन क्षेत्र नं.२ को डुमरियामा ३ बजे र धनुषा निर्वाचन क्षेत्र नं.४ को सिंगरजोडामा ५ बजे डा.राउतले सम्बोधन गर्नेछन् ।
यसैगरी मंगलबार डा.राउतले सिरहा जिल्लाको विभिन्न स्थानमा चुनावी सभालाई सम्बोधन गर्नेछन् ।