प्रधानमन्त्री पत्नी आरजु देउवा छठ पर्व मनाउन जनकपुर आउँदै

टुडेपाटी-
जनकपुरधाम, कार्तिक १३ गते ।

लोक आस्थाको महापर्व छठ मनाउन प्रधानमन्त्री शेरबहादुर देउवा पत्नी आरजु राणा देउवा जनकपुरधाम आउन लागेकी छन् ।

चारदिनसम्म अत्यन्त नियम निष्ठापूर्वक मनाइने छठपर्वको मुख्यदिन आज उनी दिउँसो जनपुरधाम आउन लागेकी हुन् ।

उनी दिउँसो २ बजेदेखि ४ बजेसम्म जनकपुरधामको छठ पूजामा सहभागी हुने उनका मिडिया संयोजक आशा थपलियाले जानकारी दिइन् ।

आदिदेव सूर्यलाई उपासना गरि मनाइने छठ पर्व जनकपुरधाममा धुमधामसंग मनाइन्छ । आज अस्ताउँदो सूर्यलाई अर्घ दिइन्छ भने भोलि उदाउँदो सूर्यलाई अर्घ दिएपछि छठ पर्व विधिवत समापन हुने छ ।