जुली महतोलाई निर्वाचन आयोगले सोध्यो स्पष्टीकरण

टुडेपाटी-
जनकपुरधाम, कार्तिक १२ गते ।

निर्वाचन आयोगले धनुषा–३ का उम्मेदवार जुली महतोलाई २४ घण्टे स्पष्टीकरण सोधेको छ ।

नेकपा एमालेकी उम्मेदवार महतोले आफ्नो तस्वीरसहितको फ्लेक्स अटो रिक्साको पछाडि राखेको भन्दै आयोगले स्पष्टीकरण सोधेको हो ।

‘तपाईंले आफ्नो तस्वीरसहितको फ्लेक्स अटो रिक्साको पछाडि राखी निर्वाचन प्रचारप्रसार गरेको कार्य निर्वाचन आचारसंहिताको उल्लेखित दफा १३ को उपदफा (१) को खण्ड (ड) को प्रतिकुल रहेको आयोगको ठहर छ’ आयोगले पत्रमा लेखेको छ ।

महतोलाई पत्र प्राप्त भएको २४ घण्टाभित्र आफै उपस्थित भएर वा प्रतिनिधि मार्फत् स्पष्टीकरण दिन आयोगले निर्देशन दिएको छ ।