टी–२० विश्वकप : पाकिस्तानमाथि भारतको रोमाञ्चक जित

टुडेपाटी–
काठमाडौं, कात्तिक ६ गते ।

टी–२० विश्वकप अन्तर्गत पहिलो खेलमा भारतले पाकिस्तानमाथि रोमाञ्चक जित निकालेको छ ।

मोहम्मद नवाजले अन्तिम ओभरमा नो वल फालेपछि पाकिस्तानले भारतसँग ४ विकेटको हार ब्यहोरेको छ । १६० रनको लक्ष्य पछ्याएको भारतले अन्तिम बलमा जित निकालेको छ ।

भारत र पाकिस्तानबीचको खेल विश्व क्रिकेटमा सधैं बहुप्रतिक्षीत रहने गर्छ । विश्वकपमा पाकिस्तानसँग विरलै हारेको भारतले रोमान्चक अन्तिम ओभरमा जित हासिल गरेको हो ।

भारतलाई जिताउन कोहलीले अविजित ८२ रनको योगदान गरे । उनले ५३ बलमा ४ छक्का र ६ चौका हिर्काए । यसअघि मेलवर्न क्रिकेट मैदानमा टस हारेर ब्याटिङ गरेको पाकिस्तानले २० ओभरमा ८ विकेट गुमाएर १५९ रन बनाएको थियो ।