टी–२० विश्वकप : भारतलाई जितको लागि १६० को लक्ष्य

टुडेपाटी–
जनकपुरधाम, कार्तिक ६ गते ।

आइसिसी टी–२० विश्वकपअन्तर्गत समूह २ को खेलमा पाकिस्तानले भारतलाई १६० रनको लक्ष्य दिएको छ।

मेलवर्न क्रिकेट मैदानमा टस हारेर पहिले ब्याटिङ गरेको पाकिस्तानले ८ विकेटको क्षतिमा १५९ रन बनाएको छ ।

पाकिस्तानका लागि इफ्तिखर अहमेद र शान मसूदले अर्धशतक प्रहार गरे। इफ्तिखरले ५१ रन जोड्ने क्रममा ३४ बलमा २ चौका र ४ छक्का प्रहार गरे।

यस्तै शान मसूदले नटआउट ५२ रन जोडे। त्यसअघि ओपनद्वय मोहमद रिजवान र कप्तान बाबर अजाम सस्तैमा आउट भएका थिए । रिजवान ४ रन र बाबर शून्यमा आउट भए।

बलिङमा भारतका अर्शदीप र हार्दिक पाण्ड्याले सामान ३÷३ विकेट लिए। भुवनेश्वर कुमार र मोहमद सामीले १÷१ विकेट लिए ।