उत्तर प्रदेशका पूर्वमुख्यमन्त्री यादवको ८२ वर्षको उमेरमा निधन

एजेन्सी–
काठमाडौँ, असोज २४ गते ।

भारतको उत्तर प्रदेशका पूर्वमुख्यमन्त्री मुलायम सिंह यादवको निधन भएको छ ।

सोमबार बिहान समाजवादी पार्टीका संस्थापक सिंहको गरुग्राममा ८२ वर्षको उमेरमा निधन भएको भारतीय सञ्चारमाध्यमले जनाएका छन् ।

समाजवादी पार्टीले आफ्नो आधिकारिक ट्वीटर ह्याण्डलबाट सिंहको निधनबारे जानकारी दिएको हो ।

स्वास्थ्यमा समस्या देखिएपछि अक्टोबर २ देखि गुरुग्रामा रहेको मेदान्त अस्पतालमा उनलाई भर्ना गरिएको थियो ।

यादव तीन पटक उत्तर प्रदेशको मुख्यमन्त्री भएका थिए ।