एमाले छाडेका गंगाराम यादव जसपामा प्रवेश

टुडेपाटी-
जनकपुरधाम, असोज १३ गते ।

केही दिन अघि नेकपा एमाले छाडेका गंगाराम यादव जनता समाजवादी पार्टीमा प्रवेश गरेका छन् ।

धनुषाको शहिदनगरमा आयोजित एक समारोहबीच अध्यक्ष उपेन्द्र यादवले नेता यादवलाई पार्टीमा स्वागत गरेका छन् ।

धनुषा २ बाट नेकपा एमालेले उमाशंकर अरगरियालाई उम्मेदवार बनाउँदैछन् । असोज ८ मा धनुषामै आएर एमाले अध्यक्ष केपी ओलीले अरगरियालाई भित्र्याएपछि नेता यादव रुष्ट भएका थिए ।

ओलीले अरगरियालाई उम्मेदवार बनाउने भएपछि नेता यादव एमाले परित्याग गरे ।