आजदेखि प्रतिनिधिसभा र प्रदेशसभाको निर्वाचन प्रक्रिया सुरु

टुडेपाटी–
काठमाडौँ, असोज २ गते ।

आगमी मंसिर ४ मा हुने प्रतिनिधिसभा र प्रदेशसभाको निर्वाचनका लागि आइतवारदेखि प्रक्रिया सुरु भएको छ ।

राजनीतिक दलहरूले आज र भोलि समानुपातिक निर्वाचन प्रणालीतर्फ उम्मेदवारको बन्दसूची पेस गर्नुपर्ने कार्यतालिका निर्वाचन आयोगको छ।

शनिबार संसदको कार्यकाल सकिएसँगै समानुपातिकतर्फको मनोनयन हुन लागेको हो।

निर्वाचन आयोगका अनुसार दलहरूले समानुपातिकतर्फको बन्दसूची असोज ३ गतेभित्र बुझाइसक्नुपर्नेछ ।

प्रत्यक्षतर्फको मनोनयन असोज २३ गतेदेखि सुरु हुनेछ ।