विश्व बैंकबाट सरकारले ३५ अर्ब ॠण लिने, मधेशमा चिडिया खाना बनाइने

टुडेपाटी-
काठमाडौं, भदौ २८ गते ।

नेपाल सरकारले विश्व बैंकबाट ३५ अर्ब रुपैयाँ (२७५ मिलियन डलर)सहुलियत ऋण लिने भएको छ ।

सोमबार बसेको मन्त्रिपरिषद् वैठकको निर्णय सार्वजनिक गर्दै सरकार प्रवक्ता ज्ञानेन्द्रबहादुर कार्कीले यस्तो बताएका हुन् ।

मन्त्री कार्कीका अनुसार यातायात तथा व्यापार आबद्धता अभिवृद्धि कार्यक्रमका लागि यो ऋण सहायता स्वीकृत गरिएको हो ।

महिला संरक्षण तथा उथान प्रणाली सुदृढीकरणका लागि एसियाली बैंकबाट प्राप्त हुने १२ मिलियन डलर अनुदान लिन वार्ता टोली गठन गर्ने निर्णय समेत भएको कार्कीले जानकारी दिए ।

यस्तै मधेश प्रदेशमा चिडियाखाना बनाउनका लागि अनुमति दिने निर्णय भएको उनले जानकारी दिए ।