कांग्रेस महामन्त्री विश्वप्रकाश शर्मा अस्पताल भर्ना

टुडेपाटी-

काठमाडौं, भदौ २६ गते ।

नेपाली कांग्रेसका महामन्त्री विश्वप्रकाश शर्मा अस्पताल भर्ना भएका छन् ।

मिर्गौलामा पत्थरी भएपछि उनी शनिबार महाराजगञ्जस्थित त्रिभुवन विश्वविद्यालय शिक्षण अस्पताल भर्ना भएका हुन् । उनको आज ११ बजे शल्यक्रिया (अपरेशन) गरिने उनका एक पारिवारिक सदस्यले जानकारी दिए । 

चिकित्सकले शल्यक्रिया गर्नुपर्ने सुझाव दिएपछि उनी अस्पताल भर्ना भएका हुन् ।