जिउँदै व्यक्तिलाई जलाएर हत्या गरेको अभियोगमा जेलमा रहेका आलमको नाम प्रतिनिधिसभाका लागि रौतहट–२ बाट सर्वसम्मत

टुडेपाटी–
काठमाडौं, भदौ १६ गते ।

नेपाली कांग्रेसले जिउँदै व्यक्तिहरुलाई इँटाभट्टामा हालेर हत्या गरेको अभियोगमा पुर्पक्षको लागि जेलमा रहेका मोहम्मद अफताबलाई प्रतिनिधिसभा सदस्यका लागि सर्वसम्मत सिफारिस गरेको छ ।

बिहिवार कांग्रेसको रौतहट २ नम्बर क्षेत्रीय कार्य समितिको बैठकले पूर्वमन्त्री आलमको नाम एकल रुपमा सिफारिस गरेको हो ।

केन्द्रको निर्देशनअनुसार औपचारिकताका लागि महिलाबाट अन्जु झाको नाम सिफारिस भएको छ ।

आलममाथि २०६४ सालको चुनावमा विष्फोटक पदार्थ बनाउने क्रममा घाइते भएका आफ्ना कार्यकर्ता तथा भाडामा भारतबाट ल्याएका व्यक्तिलाई पोल खुल्ने डरले भट्टामा हालेर जिउँदै जलाएको अभियोगमा मुद्दा चलिरहेको छ ।

उनी नख्खु कारागारमा छन् ।