रहेनन् कांग्रेस नेता प्रदीप गिरी

टुडेपाटी-
जनकपुरधाम, भदौ ४ गते ।

नेपाली कांग्रेसका नेता प्रदीप गिरीको निधन भएको छ ।

उपचारको क्रममा ललितपुरको नख्खु स्थित मेडिसिटी अस्पतालमा ७५ वर्षको उमेरमा नेता गिरीको निधन भएको हो ।

नेता गिरीको शनिबार राति ९ः ३६ मा निधन भएको अस्पतालले जनाएको छ । 

प्रतिनिधि सभा सदस्य समेत रहेका नेता तथा समाजवादी चिन्तक गिरी लामो समय भारतको मुम्बईका विभिन्न अस्पतालमा घाँटीको क्यान्सरको सफल उपचार पश्चात् केही महिनाअघि नेपाल फर्किएका थिए।  

घाँटीको क्यान्सर भएपछि भारतमा गएर शल्यक्रिया गरेका सांसद गिरी गत ९ साउनमा मेडिसिटी अस्पतालमा भर्ना  भएका थिए । डा.पंकज बर्मा नेतृत्वको चिकित्सक टोली उनको उपचारमा संलग्न रहेको थियो ।