सर्लाहीमा कारको ठक्करबाट मोटरसाइकल चालकको मृत्यु

टुडेपाटी-
सर्लाही, साउन २६ गते ।

सर्लाहीमा कारको ठक्करबाट मोटरसाइकल चालकको मृत्यु भएको छ ।

जिल्लाको हरिवन नगरपालिका ११ बस्ने ३८ वर्षीय गुरुप्रसाद ढुंगेलको मृत्यु भएको सर्लाही प्रहरीका प्रवक्ता तथा डीएसपी विजय यादवले जानकारी दिए ।

ना.३३प २२९५ नम्बरको मोटरसाइकलमा सबार ढुंगेललाई हरिवन नगरपालिका १० स्थित नयाँ रोडमा बा.७च ९२२२ नम्बरको कारले ठक्कर दिएको थियो ।

गम्भीर घाइते भएका उनको हरिवनमै प्राथमिक उपचारपछि वीरगञ्ज पुर्‍याउनासाथ चिकित्सकले मृत घोषणा गरेको यादवले बताए ।