सप्तरीबाट सशस्त्र प्रहरीद्वारा लाखौंको अवैध समान बरामद

शुभ नारायण यादव
सप्तरी, साउन २५ गते ।

सप्तरीको सुरुङ्गा नगरपालिका ४ स्थित कदमाहा गाइघाट सडक खण्डबाट सशस्त्र प्रहरीले लाखौंको अवैध समान बरामद गरेको छ ।

सशस्त्र प्रहरी बेश क्याम्प कडरबोनाको टोलिले कदमाहा गाइघाट सडक खण्ड अन्तरगतबाट पिकअप भ्यान बोलेरो सहित झण्डै २० लाख ६० हजार मूल्य बराबरको अबेध समान बरामद गरेको हो ।

चेकजाँचको क्रममा ज १ च १३६७ नम्बरको बोलेरोमा लोड गरि लगिरहेको अवस्थामा खानेतेल १८ कार्टुन, सोयाबिन २५ किलो, चना २५ किलो, मटर, हरियो केराउ, मसुरो दाल, मेदा २५,२५ किलो बरामद गरेको सशस्त्र प्रहरी ६ नम्बर गण सप्तरीले जनाएको छ ।

बरामद गरिएको अवैध समानसहित बोलेरो समेतलाई आवश्यक अनुसन्धानको लागि आन्तरिक राजस्व कार्यालय इटहरी सुनसरी पठाएको सशस्त्र प्रहरीले जनाएको छ ।