सिरहाबाट लागूऔषधसहित एक जना प्रहरीको फन्दामा

टुडेपाटी-
जनकपुरधाम, साउन २३ गते ।

सिरहामा अवैध लागूऔषधसहित १ जनालाई प्रहरीले पक्राउ गरेको छ ।
पक्राउ पर्नेमा सिरहाको लहान नगरपालिका ८ बस्ने ३४ वर्षीय अर्जुनकुमार महतो रहेका छन् ।

ईलाका प्रहरी कार्यालय लहान सिरहाबाट खटिएको प्रहरी टोलीले लहान नगरपालिका २० गोल्छारीबाट आइतबार महतोलाई शंका लागि चेकजाँच गर्ने क्रममा नियन्त्रणमा लिएको जिल्ला प्रहरी कार्यालय सिरहाले जनाएको छ ।

पक्राउ परेका महतोको साथबाट ब्युप्रिनोर्फिन ४७ एम्पुल, फेनारगण ४७ एम्पुल, डाइडिल्याब ४७ एम्पुल, नाइट्रोभेट ६० ट्याब्लेट बरामद भएको प्रहरीले जनाएको छ ।

पक्राउ परेका महतोमाथि इलाका प्रहरी कार्यालय लहान सिरहाबाट थप अनुसन्धान भइरहेको छ ।