महोत्तरी उद्योग वाणिज्य संघको अध्यक्षमा चौधरी ६ मतले विजयी

टुडेपाटी-
महोत्तरी, साउन २३ गते ।

महोत्तरी उद्योग वाणिज्य संघको अध्यक्षमा जीतेन्द्र चौधरी निर्वाचित भएका छन् । शनिबार राति सम्पन्न संघको निर्वाचनको मतगणना परिणाम अनुसार प्रतिद्वन्दी जयनाथ प्रसादलाई ६ मतले पराजित गर्दै जीतेन्द्र चौधरी विजयी भएका हुन् ।

निर्वाचन अधिकृत सुरेशलाल कर्णलेका अनुसार निर्वाचनमा अध्यक्ष पदका उम्मेदवार चौधरीले १२० मत प्राप्त गरेका थिए भने उनको प्रतिद्वन्दी जयनाथ प्रसादले ११४ मत ल्याए ।

जम्मा २४७ मतदाता रहेको सो निर्वाचनमा २४३ मत खसेको थियो । जसमध्ये अध्यक्ष पदमा निर्वाचित जीतेन्द्रले १२०, प्रतिद्वन्दी जयनाथले ११४ मत ल्याए भने ३ मत बदर भएको निर्वाचन अधिकृत कर्णले जानकारी दिए ।

त्यसैगरी सम्पन्न निर्वाचनमा संघको प्रथम उपाध्यक्षमा पवनकुमार साह, द्वितीय उपाध्यक्षमा अजयकुमार साह, महासचिवमा अमरनाथ प्रसाद गुप्ता, कोषाध्यक्षमा रविशंकर प्रसाद, सचिवमा विजयकुमार साह निर्वाचित भएका छन् । त्यसैगरी सदस्यहरुमा संजयकुमार पंजियार, जगदिश महतो, नितेशकुमार साह, रामकुमार साह हलुवाइ, सूर्यप्रकाश साह, राकेशकुमार नायक, राजेशकुमार गुप्ता र महिला सदस्यमा शोभा देवी विजयी भएको निर्वाचन अधिकृत कर्णले बताए ।

मतदान प्रक्रिया शनिबार बिहान ८ बजेदेखि बेलुका ४ बजेसम्म चलेको थियो भने मतगणना बेलुकी साढे ६ बजेदेखि शुरु भएर राति करिब ११ बजे अन्तिम मतपरिणाम सार्वजनिक गरिएको थियो ।