महोत्तरीमा मटितेल छर्केर श्रीमती र सासुको हत्या गर्ने प्रयास

टुडेपाटी–
महोत्तरी, साउन २२ गते ।

महोत्तरीमा ज्वाइँले मटितेल छर्केर श्रीमती र सासुको हत्या गर्ने प्रयास गरेका छन् ।

महोत्तरीको भंगहा ९ कञ्चजनवनमा आमाछोरीलाई मट्टितेल खन्याएर आगो लगाइएको हो ।

आगोमा जलेर दुबैजना गम्भीर घाइते भएकी छिन् । उनीहरुको जनकपुरधाम स्थित प्रादेशिक अस्पतालमा उपचार सम्भव नभएपछि काठमाडौं रेफर गरिएको हो ।

घरायसी विवादमा औरही नगरपालिका ८ का शंकरस सदाले वृद्ध सासु र श्रीमतीलाई मट्टितेल खन्याएर आगो लगाएको जिल्ला प्रहरी कार्यालय महोतरीका प्रहरी नायव उपरीक्षक प्रकाश विष्टले बताए ।

भंगहा नगरपालिका–९ कञ्चजनवनकी ६५ वर्षीया सासु रेसमादेवी सदा र ३५ वर्षीया प्रमिलादेवी सदा घाइते भएकी हुन् ।

मटितेल छर्केर आगो लगाउँदा रेसमादेवी सदाको पिट्यु, पाखुरा र बायाँ खुट्टा जलेको छ ।

यस्तै प्रमिलादेवी सदाको हात, खुट्टा र छाती जलेको छ ।