नागरिकता विधेयक छिटो प्रमाणीकरण गर्न राष्ट्रपति भण्डारीलाई ज्ञापन

टुडेपाटी–
काठमाडौं, साउन २२ गते ।

नागरिकताविहीन संघर्ष समिति नेपालले प्रतिनिधि सभा र राष्ट्रिय सभाबाट पारित भएको नागरिकता विधेयकलाई छिटो प्रमाणीकरण गर्न माग गरेको छ।

आइतवार राष्ट्रपति कार्यालय शितलनिवासमा ज्ञापन पत्र बुझाउँदै उनीहरूले नागरिकता विधेयक छिटो प्रमाणीकरण गर्न माग गरेका हुन्।

शितल निवास पुगेर राष्ट्रिय अध्यक्ष ईन्द्रजीत साफीसहित टोलीले राष्ट्रपतिका स्वकीय सचिव शिव भट्टराईमार्फत राष्ट्रपतिलाई ज्ञापन पत्र बुझाएका हुन् ।

दुवै सदनबाट पारित विधेयक सभामुखले राष्ट्रपति कार्यालय पठाइएपनि अहिलेसम्म प्रमाणिकरण भएको छैन् ।