कोरोनाबाट एकजनाको मृत्यु, थप ६६० जनामा संक्रमण

टुडेपाटी–
काठमाडौं, साउन २१ गते ।

कोरोना संक्रमणबाट नेपालमा थप एकजनाको मृत्यु भएको छ ।

यस्तै पछिल्लो २४ घण्टामा ६६० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार चार हजार ६८२ परीक्षणमा ६६० जनामा संक्रमण पुष्टि भएको हो ।

एक हजार ९४२ पीसीआर परीक्षणमा ३२६ र दुई हजार ७४० एन्टिजेन परीक्षणमा ३३४ जना गरी ६६० जनामा संक्रमण पुष्टि भएको मन्त्रालयले जनाएको छ ।

यस्तै संक्रमणमुक्त हुनेको संख्या ४४४ रहेको छ । देशभर हाल पाँच हजार ६४१ जना कोरोनाको सक्रिय संक्रमित रहेका छन् ।