मधेश प्रदेशमा मोबाईल बैँकिङ्गको प्रयोगकर्ता १६ लाखभन्दा बढी
टुडेपाटी–
जनकपुरधाम, असार २८ गते ।
मधेश प्रदेशमा १६ लाख भन्दा बढी व्यक्तिले मोबाईल बैँकिङ्ग प्रयोग गरिरहेको पाइएको छ ।
नेपाल राष्ट्र बैँकले सार्वजनिक गरेको पछिल्लो सर्वेक्षण अनुसार यहाँ रहेका कुल जनसंख्याको २६.३ प्रतिशत नागरिकले मोबाईल बैँकिङ्ग प्रयोग गरिरहेका छन् । मधेशमा १६ लाख १० हजार ८३३ जना मोबाईल बैँकिङ्गको प्रयोगकर्ता रहेका छन् ।
Sponsored
यस्तै डेबिट कार्डको प्रयोगकर्ता यहाँ ९ लाख ५८ हजार ५१७ जना रहेका छन् । यो मधेशको कुल जनसंख्याको १५.६ प्रतिशत हो । यस्तै १ लाख १३ हजार १४२ जनाले मात्र इन्टरनेट बैँकिङ्ग प्रयोग गरिरहेको पाइएको छ ।
यस्तै प्रदेशमा १० हजार ३२९ जनाले मात्र क्रेडिक कार्ड प्रयोग गरेको पाइएको छ । राष्ट्रिय जनगणना २०७८ अनुसार मधेस प्रदेशको जनसंख्या ६१ लख २६ हजार २८८ रहेको छ तर क्रेडिक कार्ड प्रयोगकर्ता ०.१७ प्रतिशत व्यक्ति मात्र रहेको राष्ट्र बैँकको तथ्यांकले देखाएको छ ।
यस्तै प्रदेशको ८ वटा जिल्लामा विभिन्न क देखि घ वर्गसम्मको बैँकको शाखाको संख्या १ हजार ७०३ रहेको छ ।
Sponsored
यस प्रदेशका नागरिकको कुल निक्षेप, कर्जा, कृषि कर्जा, विपन्न क्षेत्र कर्जा, सहुलियतपूर्ण कर्जा तथा पुनरकर्जामा अंश कम रहेको छ ।
आर्थिक वर्ष २०७८÷७९ को प्रथम अर्धवार्षिक अवधिको कुल निक्षेप परिचालनमा मधेस प्रदेशको अशं ५.०४ प्रतिशत मात्र रहेको छ । यस्तै कर्जामा ९.१३ प्रतिशत, कृषि कर्जामा १६.६२ प्रतिशत, विपन्न क्षेत्र कर्जामा ८.४८ प्रतिशत, सहुलियतपूर्ण कर्जाको अंश २१.१५ प्रतिशत र पुनरकर्जाको अंश ७.४१ प्रतिशत रहेको छ ।
