विश्वभर कोरोनाबाट मृत्यु हुनेको संख्या डेढ लाख नाघ्यो, साढे २२ लाख संक्रमित

टुडेपाटी-

काठमाडौं, वैशाख ५ गते ।

विश्वव्यापी रुपमा फैलिएको कोरोना भाइरसबाट मृत्यु हुनेको संख्या डेढ लाखभन्दा बढी तथा संक्रमितको संख्या साढे २२ लाख नाघेको छ ।

विश्वभरको कोरोना अपडेट गर्ने वल्र्वओमिटरको अहिलेसम्म (नेपाली समय शनिबार बिहान ६ः४७ बजे) को तथ्यांकअनुसार कोरोना संक्रमणबाट विश्वमा १ लाख ५४ हजार २ सय ४१ जनाको ज्यान गएको हो ।

यसैगरी संक्रमितको संख्या २२ लाख ५० हजार १ सय १९ पुगेको तथ्यांकमा उल्लेख छ ।

यसैबीच कोरोना संक्रमितमध्ये ५ लाख ७१ हजार ५ सय ७७ जना उपचारपछि निको भएको वल्र्डओमिटरले जनाएको छ ।