मंसिर २ मा चुनाव गराउन सुझाव प्रधानमन्त्रीलाई सुझाव

टुडेपाटी-
काठमाडौं, असार २२ गते ।

प्रधानमन्त्री शेरबहादुर देउवालाई निर्वाचन आयोगको टोलीले भेटेर मंसिर २ गते  प्रतिनिधि सभाको चुनाव गर्न प्रस्ताव गरेको छ । 

प्रमुख निर्वाचन आयुक्त दिनेशकुमार थपलिया नेतृत्वको टोलीले आगामी निर्वाचनको मिति प्रस्ताव गर्न प्रधानमन्त्री देउवासँग भेटघाट गरेको थियो । 

थपलियाका अनुसार मंसिर २ गते एकै चरणमा निर्वाचन गर्न प्रस्ताव गरेको बताए । तयारीमा १२० दिन चाहिने भएकाले सो मिति प्रस्ताव गरेको उनको भनाइ छ । 

जवाफमा प्रधानमन्त्री देउवाले स्थानीय तहको चुनाव शान्तिपूर्ण गरेकोमा आयोगलाई धन्यवाद दिए ।

प्रधानमन्त्री देउवाले मंसिर २ कै सेरोफेरोमा एकै चरणमा तलमाथि नहुने गरी उपयुक्त मिति तोक्ने बताएको प्रमुख निर्वाचन आयुक्त थपलियाले बताए ।