जिसस सप्तरीमा कांग्रेसको प्यानल विजयी

शुभ नारायण यादव-
सप्तरी , असार १२ गते ।

जिल्ला समन्वय समिति सप्तरीमा कांग्रेसको प्यानल विजयी भएको छ ।

आइतबार सम्पन्न निर्वाचनमा प्रमुख, उपप्रमुखसहित नौ जना सदस्यमा नेपाली कांग्रेसका प्यानल उम्मेदवार विजयी भएका हुन् ।

जिसस प्रमुखमा नेपाली कांग्रेसका उम्मेदवार शिव नारायण साहले २३ मत र उपप्रमुखको उम्मेदवार लोकतान्त्रिक समाजवादीका शम्भु कुमार यादवले २० मत प्राप्त गरी विजयी भएको मुख्य निर्वाचत अधिकृत चन्द्रमणी ज्ञवालीले जानकारी दिए ।

निर्वाचित हुने सदस्यहरुमा राजेश्वर यादव, बुद्वि लाल यादव, सत्य नारायण मण्डल, महिला सदस्यहरु सविताकुमारी साह, प्राणवति देवी सरदार र रंजिता कुमारीचौधरी र दलित वा अल्पसङ्ख्यकबाट वौहरी भगत निर्वाचित भएको मुख्य निर्वाचन अधिकृतको कार्यालयले जनाएको छ ।