सार्वजनिक यातायातको भाडा घट्यो

टुडेपाटी-
काठमाडौं, असार १२ गते ।

पेट्रोलियम पदार्थको मूल्य घटेसँगै सार्वजनिक यातायातको भाडा घटेको छ ।

सरकारले अन्तर प्रदेश चल्ने सार्वजनिक सवारीको भाडा घटाएको हो ।

यात्रुबाहक सवारीको भाडा ५.४१ प्रतिशत , पहाडी बाटोमा चल्ने मालबाहक सवारीको ६.९७ प्रतिशत र तराईको बाटोमा चल्ने मालबाहक सवारीको भाडा ७.६८ प्रतिशतले घटेको छ ।

शनिबार सरकारले पेट्रोलको मूल्यमा प्रतिलिटर २० रुपैयाँ र डिजेलमा २९ रुपैयाँ मूल्य घटाएको थियो ।

पेट्रोलियम पदार्थको मूल्य घटेपछि यातायात व्यवस्था विभागले स्वचालित प्रणालीअनुसार सार्वजनिक यातायातको भाडा घटाएको हो ।