लोसपा र लोकदलबीच आज पार्टी एकता हुँदै

टुडेपाटी-
जनकपुरधाम, असार १२ गते ।

लोकतान्त्रिक समाजवादी पार्टी (लोसपा) र लोक दलबीच आज एकीकरण हुँदैछ । आज दिउँसो २ः३० बजे लोसपा केन्द्रीय कार्यालय बबरमहलमा एकता सभा हुन लागेको हो ।

कौशल सिंहको नेतृत्वमा रहेको लोक दल लोसपासँग एकीकरण गर्न लागेको लोसपाका सचिव रञ्जित झाले जानकारी दिए ।

उनले सिंहलाई लोसपाको कार्यकारिणी समितिमा ल्याउने सहमति भएको समेत बताएका छन्।

पार्टीले आगामी संघीय निर्वाचनको लागि पनि अन्य दलसँग गठबन्धनको तयारी गरिरहेको छ ।