पटनाबाट उडेका विमानमा अचानक आगो लागेपछि …

एजेन्सी–
काठमाडौँ, असार ५ गते ।

भारतको बिहार राज्यको राजधानी सहर पटनामा १८५ मानिस सवार विमानमा आगलागी भएको छ।

बिहारको पटनाबाट राजधानी दिल्लीतर्फ गइरहेको विमानमा आगलागी भएको हो। भारतीय सञ्चार संस्था एएनआईका अनुसार स्पाइस जेटको विमान उडान भर्ने समयमा विमानमा आगलागी भएको थियो। त्यसपछि विमानलाई आपतकालीन अवतरण गराइएको थियो।

पटना विमानस्थलका अधिकारीहरुका अनुसार विमानका सबै यात्रु सुरक्षित छन्।

उनका अनुसार विमानको बायाँ पंखामा आगलागी भएको हो। जमिनमा रहेका मानिसहरुले विमानमा आगलागी भएको देखेका थिए।

अहिलेसम्म विमानमा प्राविधिक समस्याको कारण आगलागी भएको हुन सक्ने अनुमान गरिएको छ। यस विषयमा अहिले अनुसन्धान भइरहेको भारतीय समाचार माध्यममा उल्लेख गरिएको छ ।