तटबन्धमा काम गरिरहेका एक महिलाको हात्तीले लियो ज्यान

टुडेपाटी-
कैलाली, असार ५ गते ।

हात्तीको आक्रमणबाट कैलालीको टीकापुरमा एकजनाको ज्यान गएको छ ।

टीकापुर नगरपालिका वडा नम्बर १ ब्लक नम्बर १५ की ५० वर्षीया टंक सोडारीको ज्यान गएको हो ।

शनिबार साँझ जंगलबाट निस्केका दुई वटा हात्तीले आक्रमण गर्दा सोडारीको घटनास्थलमै मृत्यु भएको ईलाका प्रहरी कार्यालय टीकापुरका प्रमुख, प्रहरी नायव उपरीक्षक हेमबहादुर शाहीले जानकारी दिए ।

कर्णाली नदी किनार सनकट्टि घाटमा तटबन्धका लागि तीन जना महिला ढुङ्गा संकलन गरिरहेको अवस्थामा एक्कासी दुई वटा हात्ती नजिकै देखेपछि दुई जना महिला भागेकाा थिए । तर सोडारीलाई हात्तीले लछारपछार गरी, खुट्टा भाँचेर मारेको मारेको स्थानीयले बताएको छ ।

मृतक सोडारीको शव टीकापुर अस्पतालमा राखिएको छ ।