विवाहको प्रलोभनमा आरकेष्ट्रबालाको चुँगुलमा फँसेका ९ जनाको उद्धार

टुडेपाटी-
जनकपुरधाम, जेठ २३ गते ।

विवाह गर्ने प्रलोभनमा आरकेष्ट्राबलाको चुँगुलमा फँसेका पाँच बालबालिकासहित ९ जनाना नेपालीको भारतबाट उद्धार गरिएको छ ।

भारतको रामगढवाको अर्केष्ट्रामा काम गर्ने ५ बालबालिकासिहत ९ जना नेपाली महिलाको उद्धार गरिएको हो ।

रक्सौलस्थित एन्टी ह्युमन ट्राफिकिङ्ग यूनिट (एएचटीयू) र मिसन मुक्ति फाउन्डेशन दिल्लीले छापा मारेर उनीहरुलाई उद्धार गरेको हो ।

उद्धार गरेको ठाउँ वीरगञ्जबाट ४१ किलोमिटरको दुरीमा पर्छ ।

प्रहरीका अनुसार उद्धार गरिएका बालबालिका तथा युवतीहरुले अर्केष्ट्रा सञ्चालकहरुले विवाहको बहानामा शारिरीक शोषण गर्ने गरेका थिए ।

घर जान नदिने, गीत गाएको र नाचेको पैसा दिन्छु भने पनि पैसा नदिने र कुटपिट गर्ने गरेको बताइएको छ ।