जनकपुर-जयनगर रेलमा आगो लाग्यो

टुडेपाटी-
जनकपुरधाम, जेठ १९ गते ।

जनकपुर जयनगर रेलेमा आगो लागेको छ । जयनगरबाट जनकपुर आउने क्रममा यात्रुले बोकेको एसिड पोखिएपछि एउटा डब्बामा आगो लागेको हो ।

बिहीबार दिउँसो करिब सवा ३ बजे जयनगरबाट आउने क्रममा प्रतिबन्ध एसिड पोखिएपछि आगो लागेको थियो ।

जेनरल डब्बा डब्बामा आगो लाग्दा यात्रुबीच भागाभाग भएको छ।

आगो तत्कालै प्रहरी र रेलका कर्मचारीले निभाएका छन् ।

प्रतिबन्धित एसिड बोकेको शंकाको आधारमा दुई जना महिलालाई प्रहरीले पक्राउ गरेको रेल्वे कम्पनीका महाप्रवन्धक निरञ्जन झाले टुडेपाटीलाई जानकारी दिएका छन् ।

रेलमा आगो निभाएपछि जनकपुर फर्किएको थियो । तत्कालै आगो नियन्त्रणमा लिँदा ठूलो क्षति हुनबाट जोगिएको छ ।

माथि सामान राख्ने ठाउँमा एसिड राखिएको थियो । एसिडको एक थोपा एक महिला यात्रुको पिठ्युँमा झरेपछि उनी तर्सिएर त्यहाँबाट उठिन् ।
त्यसपछि सिटमा चुहिँदा धुँवा भएर आगो सल्केपछि भागाभाग भएको हो।

त्यहाँ तल एउटा सानो ग्यास सिलिन्डर पनि थियो । सो ठाउँबाट एक युवक र पुरुष फरार भएका छन्।

ती पुरुषका श्रीमती र छोरीलाई शंकास्पद देखेपछि प्रहरीले पक्राउ गरेको हो।